得罪講句：《幾乎是，革命》...改錯名啦！應該係《幾乎是，佔中》。
老是訪問戴耀廷，懷疑段片有誤導之嫌，令人錯覺戴係成個雨傘運動既領袖咁，估唔到連紀錄片都騎劫LOL
三小時既紀錄片，開頭用超過半小時講佔領中環既起始經過，反而由學生發起既罷課行動只佔好少。戴耀廷係片中老是常出現，根本冇意思，學聯同學民就變左大配角。
過份偏重講金鐘佔領區，但明明每個佔領區都各有特點，明明旺角係一個重要既戰線卻偏偏模糊左（尖沙咀完全冇提sosad）
其實警民衝突係今次運動佔重要一部份。由開初氣氛還好，還有示威者會替警務人員擔遮（仲有講有笑），到後期關係勢成水火，好可惜都冇特別提...
雨傘運動期間及後期衍生出既「副產品」：旺角鳩嗚有出現，但佔領英國領事館其實都應該提，雖然人數唔多，總算有人擺易拉架係佔領區宣傳＋討論過。另外暗角七警後，有大批人（主要是社工）到警署總部門口佔領兼話要報案，暗角都冇埋莫講埋被打既社工；仲有拆大台事件後，網民另建「行動講台」，但我只見到佢個紙牌... ...
唔好同我講篇幅有限，頭半個鐘剪走廿分鐘己經有位。
筆者唔否認佔領中環既理念好重要，曾幾何時好多人的確覺得呢個係新出路，
所以先有咁多場商討會，對雨傘運動係一個「啟蒙」，但僅僅是啟蒙而己。
因在戴耀廷提出及宣佈佔中之前，
社運早已因反國教、新界東北、HKTV不被發牌等議題而有「實際經驗」，
根本毋須所謂 佔中演習
囉......（仲要連中學生都唔玩既兒戲演習）
預左係左膠片，但冇諗過咁鬼失望...
簡直係「左膠暨佔領中環打飛機兼騎勢雨傘運動」片
自己上Youtube睇番網民剪個D片好過。
相關連結：幾乎是，革命facebook
沒有留言:
張貼留言