最近睇《大眾情性》睇上腦，忽發奇想，如果有個漂書會成人版，唔知會點呢？
又未必係漂書會既，可以係室內地方辦一個分享會
我將呢個奇想問左一位性情中人，佢既回應係：到時Ｄ人係帶硬碟去而唔係帶書去
哈哈！係喎～
我會咁諗，其實都係因為睇左大眾情性之後，裡面確確實實反映左好多人對性產生誤解，
甚至家長與孩子談及性教育顯得很避忌，難以啟齒。（即使你是位食家）
「食色性也」四個字成日都掛係口邊，電視節目講食大把，依家能夠大談性知識既又有咩節目？
即使學校有性教育堂，都往往被批評教育不足
談性，就好似談政治一樣，近年成日有句：「你不碰政治，政治卻會找上你」
同樣道理，你不談性，性卻會找上你。畢竟人是有情慾的動物。
就算你是和尚、尼姑、教宗也好，沒有性生活，亦會有人找你談及相關的問題。
尤其是家長經常都會遇到小朋友既「好奇心」，其實小朋友問既並無惡意，
係大人自己思想污穢在先，仲要唔識答．．．
性是生活不可或缺的一部份，政治亦一樣，衣食住行都跟政府政策息息相關
所以，避談性，其實跟避談政治一樣，根本是逃避不了，反而應該去面對。
另一邊廂，對性教育無知，等同對政治無知一樣，是一種罪過。
以為體外射精不會懷孕，安全期唔駛做足安全措施，恐懼愛滋病患，將易服視為變態、將同性戀與愛滋病掛勾等等，
這些都是無知的表現；
政治無知也很相似，以為工x會沒有出賣工人，民x黨最民主，遊行示威必定是搞亂香港經濟等等，無知真係好可怕的。
講番漂書會成人版／成人書本分享會，細節我都諗左Ｄ，講出黎實以為我癲癲地
（所以先係自己blog 9up一下）
我諗對象先係情侶／夫婦，人數就不宜太多，最多５對喇，太多人實會唔好意思。
機構先搵賣情趣用品既商舖合作，叫店主向參加者介紹幾款用品，
係互惠互利底下，佢借間舖位黎做場地，機構就帶黎人流認識Ｄ用品；
介紹完情趣用品，介紹埋書。
唔係龍虎豹同Playboy喎，呢Ｄ駛鬼介紹咩
其實有好多書係講點樣享受性愛既過程，唔係射左精就叫完事，唔係持久就等於勁架，
知唔知對方既敏感部位係邊度？點樣撫摸先令對方投入興奮？
根據非正式統計，十個都有七個係唔知。
（唔好以為我好有研究，其實我都唔曉）
話說我去過銅鑼灣時代廣告對面一間樓上書店，裡面正正有好多呢類書籍賣
同時亦有好多大陸禁書，睇黎我同店主既睇法一樣－－談性同談政治係一樣架......
最後教正確性知識，應該用咩心態去面對性，點樣回應小朋友既好奇心等，
好多女仔都唔熟悉自己副body架，子宮頸即係咩位置你知唔知呢？
甚至相關法律責任都需要認識下喇，真係大把野學
最後我想強調既係，呢個分享會並唔係為左鼓勵提早進行性行為／宣揚濫交，
而係想話俾大家知：教育政策係性教育課程上係幾咁不足，導致好多人「搞出人命」後先至上一課，
又或者以為做個「食家」＝知識豐富 (話你on9怕你嬲)
呢個問題一直存在好耐，冇人識去處理，政府更加保守無知，淨係識拉人衰十一
係咪應該正視同提出解決方法呢？
所以我地一定一定要運用我地既基本權利－－選舉權、投票權、言論自由，去改善性教育政策。
～完～
Btw, 不得不讚HKTV將個劇集拍得咁好，裡面帶出左好多人對於性知識既無知，
而性治療師教既野真係幾實用。拍多幾季就好了～
唔好誤會，唔係教點樣進行性行為，而係面對性問題時既正確態度。
沒有留言:
張貼留言